Këtë të enjte po zhvillohet seanca parlamentare mbi Gjenocidin serb në Kosovë ku nuk kanë munguar përplasjet mes deputetëve të mazhorancësdhe deputetëve të opozitës. Pikënisja e debatit ishte fjala e Alibeajt, e cila mori një replikë jo etike nga ana e Kryeministrit të vendit Edi Rama. Alibeaj fillimisht u shpreh se përse kanë frikë ta debatojnë këtë fakt, dhe mazhoranca ka frikë të pranojë gjenocidin serb.
Por përgjigja që mori nga Rama ishte shumë e papritur, pasi kryeministri nuk e ka kursyer as gjuhën e pisët, ndonëse ishte në një seancë parlamentare.
“ Nëse ju bashkë me ata në Prishtinë doni t’i bëni, bëjini, ne nuk bëjmë asnjë hap përpara, sepse për të zgjidhur problemet mes foltores dhe gojores duhet dakordësia e ndërkombëtarëve”, tha Rama.
Nuk është hera e parë që Kryeministri përdor një fjalor të tillë dhe nuk merret asnjë masë disiplinore ndaj tij, madje është shoqëruar me të qeshura dhe duartrokitje nga vartësit e tij.
Pjesë nga debati:
Alibeaj: Kam kërkuar që në atë rezolutë të parashikohet që ky Kuvend të njohë gjenocidin serb në Kosovë Ju keni paraqitur një projektrezolutë me të drejtë për të mbajtur një qëndrim për Dick Martyn. Por shkaku është gjenocidi serb në Kosovë.
Përse keni frikë ta përmendni ta debatoni. Përse ma heq të drejtën për të paraqitur amendamente. I heq të drejtën të gjithë deputetëve për të shprehur mendimin e tyre. Je duke bërë shkelje, t’i je duke gënjyer. Nga ana e kolegëve të PD nuk pati asnjë problem. Ju keni frikë, përse keni frikë të pranoni që në atë vend, gjakun tonë ka ndodhur gjenocid serb, kujt po ja bëni nderin. Mund ta kesh butonin aty, por është historia ajo që do të gjykojë.
Rama: Është sa e thjeshtë aq e neveritshme që e bëni këtë.. Kujtoheni për gjenocidin në Kosovë, po të shohësh historinë rezolutave sheh edhe ndryshimin si nata me ditën mes jush dhe nesh. Mes asaj që quhet PD që sot se di si quhet dhe ne që quhet PS e Shqipërisë. Sa herë ka pasur krizë dhe ju është dashur ta kapërceni keni future në mes Kosovën. Merreni dhe shihini, ju e dini më mirë historinë e partisë tuaj. Shiheni se përkon me rezolutat. Zgjoheni ju në 2022 dhe kujtoheni për Srebrenicën. Ju nuk keni lidhje, jeni gati ti rivarrosni dhe t’i fusni në varrin masiv për t’u thënë kujt të mundni që socialistët nuk duan. Jeni gati ta bëni lëmsh politikën ndërkombëtare të Shqipërisë. E keni harruar ju që ai shtet i lirë sovran demokratit është krijuar nga ata pa të cilët as ju as ata në Prishtinë nuk duhet të bëjnë asnjë hap. Nëse ju bashkë me ata në Prishtinë doni t’i bëni, bëjini, ne nuk bëjmë përpara se për të zgjidhur problemet mes foltores dhe gojores duhet dakordësia e ndërkombëtarëve.
Debate janë zhvilluar edhe mes kryetares së Kuvendit Lindita Nikolla dhe Enkelejd Alibeaj, pasi Nikolla e ka quajtur këtë të fundit gënjeshtar.
Nikolla: Tërhiqe mbrapsht atë fjalën “gënjen’.
Alibeaj: Aty e ke butonin shtype kur të duash me dorën e tij që ke aty poshtë.
Nikolla: Shih punën tënde se punën time e bëj mirë
Alibeaj: Kam kërkuar që në atë rezolutë të parashikohet edhe njohja e genocidit serb në Kosovë. Kaq! Ju keni paraqitur një projekt-rezolutë për raportin e Dick Martit Por shkaku cili është? Genocidi serb! Pse ke frikë të votosh dhe pse ke frikë ta përmendësh. Kush je ti që heq të drejtën për të paraqitur amendamente?
