Tashmë varianti britanik i Covid-19 ka mbërritur edhe në Shtetet e Bashkuara të Amerikës. Shifrat po rriten çdo nëntë ditë, duke e çuar në qindra të infektuar. Kryesimin deri tani e mban Florida me 187 të infektuar.
Nga studimet, ky mutacion cilësohet mjaft i rrezikshëm, pasi është 35-40 % më i transmetueshëm.
Kujtojmë se ky variant u shafq fillimisht në Britaninë e Madhe, por pësoi një zgjerim të menjëhershëm në zona të ndryshme gjeografike në gjithë kontinentet.
Studimi i kryer nga “MedRxiv” parashikon se ky mutacion do të jetë variant më dominues i coronavirusit në SHBA në muajt e ardhshëm.
Ndërsa ende po luftohet për zhdukjen e Covid-19, duket se situata po del jashtë kontrollit me mutacioent e reja.
Kujtojmë se ky variant i rrezikshëm është gjetur edhe në Shqipëri dhe rasti i parë që u konfirmua zyrtarisht nga autoritet gjermane ishte rasti i një vajze 22 vjeçare e cila udhëtoi nga Shqipëri në Gjermani.
Disa prej vaksineve, siç është Moderna dhe Pfizer, janë munduar të gjejnë zgjidhje edhe për këtë variant, i cili thuhet se nuk ka pasoja më të rënda se Covid 19, por transmetohet më lehtë.
Veç mutacionit britanik, në botë qarkullon dhe ai i Afrikë së jugut, që deri më tani nga autoritetet tona nuk është konfirmuar asnjë rast zyrtar.
