Trupi i pajetë i një personi ende të paidentifikuar është gjetur këtë mëngjes nga punonjësit e mirëmbajtjes së rrugëve gjatë punës së tyre rutinë.
Viktima është gjetur pa shenja jete në kryqëzimin e rrugës së Kombit, afër segmentit që çon drejt Lezhës.
Trupi ishte pranë trafikndarëses dhe menjëherë është njoftuar policia, e cila mbërriti në vendngjarje dhe nisi hetimet.
Dyshimet e para janë se viktima mund të ketë humbur jetën si pasojë e një përplasjeje me automjete, por hetuesit po presin kryerjen e autopsisë për të përcaktuar shkaqet e vdekjes.
