Ditën e sotme është gjetur një makinë e djegur në afërsi të Rinasit. Mësohet se bëhet fjalë një mjet tip Volksëagen Tuareg, i cili rezulton të ketë qenë i vjedhur në muajin janar të këtij viti. Mjeti luksoz është shkrumbuar i tëri në një tunel të lagjes Dritas në afërsi të Rinasit. Kujtojmë se po në këtë tunel disa vite më parë u konstatua me të njëjtin fund dhe automjeti që përdori për megagrabitjen e parave në aeroportin e Rinasit, Admir Murataj. Makina e djegur u konstatua nga një bari i zonës, i cili më pas ka njoftuar policinë. Policia pas denoncimit ka mbërritur në vendngjarje dhe po punon për zbardhjen e rrethanave në të cilën ka ndodhur ngjarja. Ndërkohë në lidhje me ngjarjen ka reaguar policia e Tiranës, e cila bën me dije se duke qenë se automjeti është shkrumbuar, është e vështirë dallimi i elementeve identifikuese të tij.
NJOFTIMI I POLICISE
Më datë 22.08.2022, jemi njoftuar se në fshatin Dritas, Njësia Administrative Zall-Herr, është gjetur një automjet i djegur plotësisht.
Duke qenë se automjeti ka qenë i djegur plotësisht ka qenë e vështirë për shërbimet e Policisë dallimi i elementeve identifikuese të tij.
Gjatë këtyre ditëve, ka vijuar puna intensive nga ana e strukturave të Policisë, me qëllim zbardhjen dhe dokumentimin e plotë të rrethanave të ngjarjes.
