Atentat me viktima në kryeqytet. Pasditja e kësaj të shtunë është gjakosur në Tiranë, pasi në zonën e Astirit janë qëlluar për vdekje 2 persona brenda një makine tip audi i cili ishte në lëvizje.
Erigers Mihasi është një nga viktimat e atentatit mbrëmjen e sotme në Astir.
Viktima ndodhej në automjetin ‘Audi’ me targa AB 008 EH me ngjyrë të bardhë kur u qëlluan me breshëri kallashnikovi.
Drejt tyre u hap zjarr nga një automjet në lëvizje.
Erigres Mihasi është person precedent penal.
Ai ka qenë i dyshuar për grabitjen e dhunshme të prindërve të Elton Çiços (i ekzekutuar në Tiranë disa vite më parë) në një fshat të Tepelenës, por që u lirua nga qelia 6 muaj pas ndalimit.
Eriges Mihasi, që u vra sot, i shpallur në kërkim si bashkëpunëtor i sulmit me armë ndaj kompleksit “Eiffel”, është një personazh i botës së krimit i liruar në muajin korrik 2019 nga prokuroria e Gjirokastrës për mungesë provash në ngjarjen e dhunimit dhe grabitjen e prindërve të Elton Çiços.
Ai ishte mik i ngushtë me Santiago Malkon, ish- policin e vrarë në Porcelan më 27 gusht 2019, me të cilin dyshohet se kanë qenë autor të plagosjes me armë ndaj kushërinjve Rivelino dhe Juxhin Mumajesi në Tiranë në 2018, ku nga sulmi mbeti i plagosur edhe shoku i tyre Ibrahim Durollari. Emri i Mihasit lidhet ngushtë edhe me plagosjen e Rudolf Tomës, në 2017, ky i fundit punonjësi bashkisë së Kurbinit. Erigres Mihasi është shok i Ervis Martinajt.
