Pasditen e sotme Mysteak Beqiraj, babai i Kreshnik Beqirajt, i cili u vra, u copëtua dhe u hodh në kanal nga shoku i tij, Albert Zekaj në vitin 2017 është gjetur i vdekur. Mësohet se trupi i 68-vjeçarit Mysteak Beqiraj është pikasur nga vëllai i tij.t
Raportohet se në trupin e viktimës nuk janë konstatuar shenja dhunë dhe se bëhet fjalë për një vdekje natyrale. Mysteak Beqiraj vuante prej një viti nga tumori në kokë, sëmundje që mund t’i ketë marrë dhe jetën.
Kreshnik Beqiraj u gjet i vrarë dhe i copëtuar më 20 qershor 2017 në Daullas të Fierit. Ai u masakrua nga shoku i tij Albert Zekaj. Viktima dhe autori ishin njohur në një burg në Belgjikë, ndërsa pas ardhjes në Shqipëri vendosën që të jetonin në një shtëpi me qira në Fier.
Por pas disa kohësh, Beqiraj u zhduk pa gjurmë. Pas 8 muajsh kërkime, trupi i tij i pajetë dhe i masakruar u gjet brenda një kanali në Daullas. Gjithçka kishte nisur pas një sherri për qiranë. Pasi viktima nuk kishte pranuar të jepte pjesën e tij, Zekaj kishte marrë një çekiç dhe e kishte qëlluar shokun e dhomës. Më pas, për të zhdukur gjurmët e kishte marrë kufomën, e kishte copëtuar dhe e kishte hedhur në kanal. Ndërsa familjarët nga ana tjetër kërkonin djalin e zhdukur prej 8 muajsh.
Krimin e rëndë e ka pranuar edhe vetë Zekaj, i cili ndodhet pas hekurave.
