Bebe Rexha është padyshim një ndër këngëtaret më të suksesshme të momentit, por kohëve të fundit në media kanë qarkulluar lajme se ajo po shoqërohet me një djalosh brun, të gjatë dhe shumë simpatik, me të cilin ajo shfaqej shumë e afërt.
Ishte DailyMail që publikoi për herë të parë fotot e Bebes me djaloshin simpatik e misterioz për publikun. Dyshja u fotografua afër një tregu ushqimor në Los Angeles, dhe duket shumë të afërt me njëri-tjetrin.
Por deri më tani “çifti” nuk kishte lënë të kuptohej ndonjëherë në rrjete sociale nëse ishin në një lidhje, por sot Bebe Rexha i ka uruar ditëlindjen partnerit të saj.
“Gëzuar ditëlindjen baby”, ka shkruar Rexha krahas fotos. Në InstaStory, këngëtarja ka publikuar një foto me mashkullin të cilit ia ka zënë fytyrën, teksa shfaqen përballë njëri-tjetrit me fytyrë, gati për të shkëmbyer një puthje.
