Është shtyrë sërish sot seanca për ish-ministrin Fatmir Mediu për çështjen “Gërdeci”.
Mirëpo pranë SPAK u paraqit edhe biznesmeni Mihal Delijorgji, i thirrur nga kjo strukturë për të dëshmuar, por mësohet se ai refuzoi të fliste për këtë çështje.
Ndërkohë në këtë seancë, nuk u paraqit Anjola Agolli, ish-sekretare e ministrisë së Drejtësisë, Luan Hoxha dhe Denis Hajdari.
Për këtë të fundit prokuroria kërkoi shoqërimin e detyrueshëm pasi ka marrë dijeni dhe nuk është paraqitur. Ndërsa për Anjolla Agollin e Luan Hoxhën të vijojë kërkimi.
Kujtojmë se seanca e radhës do të mbahet me 9 prill në orën 09:00.
Ish-ministri i Mbrojtjes po hetohet shpërdorim detyre për vdekjen e 26 personave dhe plagosjen e qindra të tjerëve pas shpërthimit që ndodhi në Gërdec më 15 mars të vitit 2008.
