Mbahet sot seanca e radhës në GJKKO për ish-ministrin e Mbrojtjes, Fatmir Mediu, për tragjedinë e Gërdecit, ku mbetën të vrarë disa persona dhe u plagosën disa të tjerë.
Ashtu si në seancën e kaluar, edhe këtë herë do të vijojë marrja në pyetje e dëshmitarëve për ngjarjen e rëndë. Sot Mediu shoqërohet nga avokati i tij, ndërsa pas pak pritet të nisë seanca, rreth orës 10:00.
Kujtojmë se Gjykata e Posaçme vendosi rihapjen e çështjes “Gërdeci” dhe kërkon rigjykim për ish-ministrin e Mbrojtjes, Fatmir Mediu.
SPAK iu drejtua më herët Gjykatës së Lartë me një kërkesë ku kërkonte revokimin e vendimit të marrë më 2009 i cili pushoi çështjen për ish-ministrin e Mbrojtjes Fatmir Mediu.
Kujtojmë se në atë kohë çështja ndaj Mediut u pushua me arsyetimin se nuk mund të gjykohej pasi ishte me imunitet. Sot Gjykata e Posaçme e Apelit për Korrupsionin dhe Krimin e Organizuar vendosi të revokojë pushimin e vendimit të Gjykatës së Lartë.
Rinisja e hetimit për ish-ministrin e Mbrojtjes do të bëhet për akuzën “shpërdorim detyre”, në lidhje me tragjedinë e Gërdecit ku nga shpërthimi i punishtes së demontimit të armëve mbetën 26 të vrarë dhe qindra të plagosur.
