Ish-kryeministri Sali Berisha ka folur në lidhje me Gërdecin dhe 21 Janarin pasi prokuroria vendosi që të rihap dosjen e kësaj të fundit. I ftuar në “Tempora“, në Ora Ne2s, Berisha tha se nuk ka pasur në lidhje me hapjen e asnjërës prej çështjeve. Ai mohoi akuzat për fshjehje dokumenti në lidhje me ngjarjen e Gërdecit dhe tha se ishte gjykatësi ai që e shndërroi akuzën në “vrasje pa dashje“ duke dënuar 40 persona. Berisha deklaroi se ai nuk i njeh vetes asnjë imunitet dhe parashkrim. Ndërkohë, Berisha e quajti gjithë këtë tymnajë që përtyp plehun e vjetër.
Kujtojmë që Prokuroria e Tiranës rihapi sot çështjen e 21 Janari tdhe më konkretisht për njërin nga 4 protestuesit e vrarë, Aleks Nikën.
“Unë s’kam asnjë lidhje me hapjen çështjeve të Gërdecit dhe 21 janarit. Kur unë thoja se nuk kam pasur asnjë informacion për gjendjen në Gërdec. Ka pasur ndonjë gazetar që thoshte të kundërtën, por nuk kam pasur. Thonë se kam fshehur një dokument, por është një gënjeshtër e turpshme. Akuza e Ina Ramës për Gërdecin është vrasje me dashje. Natyrisht që gjykatësi e shndërroi në vrasje pa dashje dhe janë dënuar 40 persona. Nuk i njoh vetës asnjë imunitet dhe parashkrim, ta harrojnë se ka imunitet Sali Berisha. E gjithë kjo tymnajë përtyp plehun e vjetër,”-tha Berisha.
