Sekretari i Përgjithshëm i Partisë demokratike, Gazment Bardhi ka folur sërish mbi amendamentet që ka paraqitur PD-ja, ku një nga pikat që paraqitën ishte Vettingu i politikanëve.
Në emisionin “Opinion”, Bardhi ka dhënë detaje në lidhje me këtë pikë të amendamentit dhe ka thënë se SPAK jo vetëm do të verifikojë, nëse pasuria e politikanëve është e ligjshme ose jo, por do të ndërmarrin edhe hetime penale ndaj tyre.
“Organet ligjzbatuese shqiptare në këtë moment që flasim disponojnë të dhëna të plota për politikanë që bashkëveprojnë….që kapen në përgjime me eksponentë të rrezikshëm të krimit të organizuar.”, tha Bardhi
Më tej Bardhi ka shtuar se nuk ka shqiptarë qoftë socialist apo demokrat që nuk kërkon që politikanëve dhe zyrtarëve të lartë publikë tu bëhen verifikime pasurie.
“Besoj që nuk ka shqiptar, socialist dhe demokratët, që nuk kërkon që politikanëve dhe zyrtarëve të lartë publik tu bëhet verifikimi i pasurive dhe lidhjeve me krimin e organizuar. Praktika na ka treguar se sot kemi zero politikanë, deputetë, ministër, zyrtarë të lartë…Sepse mekanizmat që ka në dorë ILDKP-ja janë të pamjaftueshme për një verifikim të thelluar të pasurisë së një politikani”, tha Bardhi.
Ai ka thënë që drejtësia të funksionojë duhet të ketë disa indicie.
“Që drejtësia të veprojë duhet të ketë disa indicje apo të dhëna, qoftë edhe publike. Së pari është realitet që sot në politikën shqiptare ka politikanë që nuk justifikojnë dot pasurinë e tyre. Drejtësia nuk i ka verifikuar deri më tani. Nuk kemi bërë strukturë mbi strukturë. Struktura që do kryejë vetingun e politikanëve sipas amendamenteve të PD nuk ka vetëm funksionin të konstatojë që një politikan nuk ka pasuri, por është e detyruar të nisë hetim penal për veprat penale që janë konsumuar. Nëse marrim 1.5 mln dhe shpenzojnë 2.5 mln për shkollimin e fëmijëve, në atë moment hyjnë në verifikim, ata kushërinjtë, të afrimit. Është moment të ndajmë shpifjen nga e vërteta, kush ka pasuri të paligjshme dhe kush nuk ka”, u shpreh Sekretari i Përgjithshëm i PD.
