Gazment Bardhi mbledh grupin parlamentar para protestës së opozitës

Gazment Bardhi mbledh sot grupin parlamentar të Partisë Demokratike, ku përmes një mesazhi, ai ka njoftuar deputetët demokratë për mbledhje.

Mësohet se mbledhja do të nisë në orën 12:00, ndërsa 5 orë më vonë opozita do të zhvillojë protestën e saj para Kuvendit të Shqipërisë, pasi në orën 17:00 nis seanca plenare.

Ky vendim është marrë nga të gjithë deputetët opozitarë të grupimeve Berisha-Bardhi.

Protesta do të jetë vijimi i aksionit opozitar, pasi opozitës nuk i janë plotësuar kërkesat për ngritjen e komisioneve hetimore dhe ndryshimi i anëtarëve të Komisionit të Reformës Zgjedhore.