Detaje të reja kanë dalë në dritë për vrasjen mafioze të Shkëlzen Kastratit pak ditë më parë në Fier. Gazetarja Klodiana Lala ka zbuluar se autori i krimit është një i ri 24-veçar që punon si vrasës me pagesë. Lala tha më tej se ai është arrestuar disa herë më parë. Nga detajet që gazetarja bëri të ditura, u kuptua se vrasësi i Kastratit po strehohet në Vlorë, te një tjetër emër i botës së krimit.
“Ndërsa flitet që Shkëlzen Kastrati ka pasur Probleme të hapura me drejtësinë dhe se mes fisit të tij e një fisi tjetër pa pasur dhjetëra viktima për gjakmarrje, vrasja dyshoj se mund të ketë ndodhur për prishje të pazareve të drogës. Policia i ka të dhënat e saj, por unë mendoj nga të dhënat sekrete që ka, policia është e orientuar drejt një bande në Tiranë dhe në Fushë-Krujë. Autori është një djalë rreth 24 vjeç i arrestuar disa herë më parë. Ai vepron si vrasës me pagesë për llogari të dy grupeve me bazë në Tiranë. Rezulton se ai është strehuar afër një emri të botës së krimit në Vlorë”,- ka thënë Lala.
Shkëlzen Kastrati u vra pak ditë më parë në dalje të qytetit të Fierit në vendin e njohur si “Rotondoja e Sheqit”. Nga ekspertiza u zbulua se ai ishte goditur me një plumb në krah dhe një tjetër në kokë. Policia gjeti në afërsi të vendit të ngjarjes një makinë tip “Range Rover” të djegur që besohet se mund të jetë përdorur nga autorët. Kanë nisur kërkimet për kapjen e autorëve të krimit teksa disa persona janë shoqëruar në polici.
