Gazetari Artan Hoxha la bërë të ditura detaje të tjera nga përgjimi që publikoi sot për drejtorin e Kadastrës, Artan Lame. Ky i fundit dëgjohet teksa i jep udhëzime vartësve që të kërkojnë vota në këmbim të legalizimit të shtëpisë.
Hoxha ka thënë në Abc News se në një mbledhje që Kadastra bën, jepen udhëzime sit ë sillen gjatë fushatës pavarësisht se mund të jetë në kundërshti me ligjin. Më tej gazetari ka treguar se 200 mijë votuesve (që përllogariten në gati 20 mandate) nuk u thuhet që shtëpitë do legalizohen, por mbahen varur. Kjo në mënyrë që “të mos bëhen mish për top për palën tjetër”, siç shprehet Lame në përgjime.
“Jemi në pak a shumë në situatë të njëjtë si me rastin e patronazhistëve. Në një kohë fushate, një agjenci shtetërore kaq e rëndësishme si Kadastra, me të cilën qeveria ka bërë fushatë për një kohë të gjatë. Një mbledhje që bëhet me drejtuesit e Kadastrës. Po u jepet udhëzime si të sillen gjatë fushatës. Që puna e tyre, pavarësisht se çfarë parashikon ligji, të jetë në favor të fushatës.
Nuk do t’u thoni, këtyre 200 mijë votues, diku 20 mandatë në Kuvendin e ardhshëm që kjo nuk bëhet, por do t’i mbajnë varur, do ketë hapësira të tjera. Nëse u themi që nuk do të legalizoni, i bëjmë mish për top për palën tjetër,” ka thënë Hoxha.
