Në lidhje me skandalin e “Pandora Papers” dhe personazhet e politikës që mund të jenë të përfshirë, gazetari investigativ Artan Hoxha ka sjellë detaje të reja dhe ka një thirrje.
Në dosjet e publikuara disa ditë më parë nga gazetarët investigativ ndërkombëtar është përmendur emri i biznesmenit Vasil Kallupi. Sipas dosjeve të publikuara rezulton se Vasil Kallupi ka paguar një vlerë prej 3.6 milion euro ndaj një kompanie e cila është e regjistruar në Emiratet e Bashkuara Arabe.
Gazetari i ftuar ditën e sotme në “ABC-news”, ka thënë se paratë nuk i ka marrë Vasili, dhe se pas tij fshihet një “peshk i madh”. Ndër të tjera Hoxha thotë se kontratën e ka firmosur një drejtori i OSHEE-së i joni. Por thekson se çështja është se kush është ministri, kryeministri apo politikan që i ka marrë ato, duke hedhur kështu dyshimet se kjo shumë është marrë nga një person i rëndësishëm në vendin tonë.
“Ne na intereson gjirizi jonë që kemi dhe unë shikoj se vëmendja është fokusuar te një kompani biznesi, tek biznesmeni Vasil Kallupi, dhe tek mbesa e gruas së tij. Kjo është një foto e bërë në Prizren në 2013 ku sapo kishte ardhur në pushtet qeveria e majtë, ku në foto shihet Gjiknuri.
Kjo foto është bërë në një aktivitet në Kosovë për një investim energjitik, ku ne në fillim ne e penguam kur kishim PD-në në pushtet, kur erdhi PS-ja në pushtet sërish operatorin e kishte LSI-ja dhe kjo është dita kur është nënshkruar ku loti në Kosovë ju dha kompanisë kroate dhe në Shqipëri kompanisë boshnjake. Aty është drejtori i asaj kohe, Engjëll Zeko, ministri i Kosovës Fadil Ismaijli, drejtori i kompanisë së energjitikës së Kosovës pasi ato e kanë firmosur marrëveshjen.
Por çfarë lidhje ka kjo me Pandora Paper? 13% e gjithë kontratës nuk i ka marrë Vasili, pasi gazetarët që janë marrë me këtë punë deri te Vasili kanë shkuar, por pas tij është një peshk i madh. Kompania eVasilit që ka bërë këtë punë ka paguar një shumë të konsiderueshme.
Ne akoma nuk e kemi kapur ujkun kemi vetëm gjurmën, ne duhet që të gjejmë kush i ka marrë paratë pasi Vasili ka marrë vetëm interesin e shërbimit të tij. Kontratën e ka firmosur drejtori i OSHEE-së i joni. Por çështja është se kush është ministri, kryeministri apo politikan që i ka marrë ato. Në rastin konkret autoritete kanë mundësinë që të thërrasin biznesmenin dhe mbesën e tij të gruas për ta pyetur se kush i ka marrë ato para”, ka thënë Hoxha.
