Gazetarët shqiptarë që janë nisur drejt Leskovacit, ku do të zhvillohet ndeshja Serbi–Shqipëri, janë ndaluar dhe i janë nënshtruar një kontrolli të imtësishëm në kufi nga autoritetet serbe.
Sipas informacioneve, në pikën kufitare mes Maqedonisë së Veriut dhe Serbisë janë kryer kontrolle të detajuara të dokumenteve, çantave dhe sendeve personale të gazetarëve.
Përveç kontrollit në ambiente të hapura, është realizuar edhe një kontroll fizik i veçantë në një hapësirë tjetër për gazetarët dhe shoferët që i shoqëronin. “Nuk na lejohej ta filmonim, pasi na bënë kërkesë për heqjen e celularëve,” kanë raportuar gazetarët pas incidentit.
