Mediat greke e quajnë një fitore të ministrit Nikos Dendias pranimin e Shqipërisë që të shkojë në Hagë me Greqinë për kufirin detar. Ato shkruajnë se Kryeministrit Rama iu ofrua “karota” e integrimit në BE dhe më në fund po bën lëshime.
Athina e ka joshur Ramën me procesin e integrimit të Shqipërisë në BE, e cila pritet nga Tirana si një “dhuratë nga parajsa për të të hapur qesen e fondeve të unionit edhe për shkak të situatës së komplikuar politike në vendin fqinj, i cili shkon në zgjedhje më datë 25 prill të vitit të ardhshëm”, shkruan gazeta Protothema.
Në këtë artikull theksohet se, “diplomacia greke arriti një marrëveshje për hartimin e e një deklarate të përbashkët që synon dërgimin çështjen e demarkacionit në Hagë.
Kjo çështje ka qenë “kanceroze” për 20 vite pasi shqiptarët u tërhoqën sepse Gjykata Kushtetuese e rrëzoi marrëveshjen me kërkesë të opozitës së atëhershme të kryesuar nga Edi Rama.
Disa vite më vonë, ai është i njëjti person që arriti në një marrëveshje me Athinën për referimin e caktimit të kufijve në pritje të zonave detare në kufirin veri-perëndimor të Greqisë”.
Lidhur me marrëveshjen e arritur për të çuar në Gjykatën Ndërkombëtare çështjen kufirit detar mes Shqipërisë dhe Greqisë, gazeta jep detaje se do të bëhet kjo praktikisht.
“Tirana dhe Athina kanë rënë dakord që të hartojnë një deklaratë të përbashkët për ta referuar çështjen e demarkacionit detar mes dy vendeve në Gjykatën Ndërkombëtare, pak ditë para se të mbushen dy vite nga vrasja e Kostantino Kacifas nga forcat speciale të policisë shqiptare.
Katër muaj par marrëveshjes me Italinë dhe rreth 60 ditë pas përcaktimit të Zonës Ekskluzive Ekonomike me Egjiptin, Greqia po bën një hap tjetër drejt zgjidhjes së çështjes së prapambetur të të detit në rajonin e Korfuzit. Kësaj radhe Mjafton që pala shqiptare të mos tërhiqet nga marrëveshje”, shkruan Protothema.
/GazetaReforma.com/
