Ivan Gazidis adminstratori i përgjithshëm i ekipit të Milanit është duke përpiluar një listë për kandidatët e mundshëm se kush do ta zëri stolin e drejtuesit të këtij ekipi, pasi Gattuso është drejt largimit.
Në mediat italiane po flitet për një zëvëndësim të mundshëm me Mauricio Pochettino.
Ky është dhe emri i cili kryeson dhe listen e Gazidis.
Madje theksohet se Pochettino prej kohesh po studiohet nga Ivan Gazidis dhe është ndër më të preferuarit e tij. Duhet theksuar se Pochettino është i angazhuar më skuadrën e Tottenham dhe do të jetë e vështirë që të shkëputet nga aty, ku duhet theksuar që dhe skuadra të tjera kanë tentuar më parë dhe nuk kanë pasur rezultat.
Gazidis ka pritshmëri të larta dhe kërkon shumë që ekipi i tij të dalë sa më mirë me rezultatet, por një zgjedhje e tillë nuk është aspak e lehtë.
Përveç Mauricio Pochettino, në listë gjejmë emra të tjerë si Simone Inzaghi, Maurizio Sarri etj.
Duhet të presim ditët në vijim për të parë nëse do të kemi ndonjë emër konkret.
