Tashmë kemi rezultatin final të votimeve për kryebashkiakun e ardhshëm të Tiranës pas përfundimit të numërimit të votave.
Sipas rezultateve të publikuara nga KQZ, Erion Veliaj i Partisë Socialiste ka fituar me një diferencë të thellë zgjedhjet, duke marrë një mandat të tretë për kryeqytetin.
Veliaj ka marrë 158.688 vota, ose 54.69% të votave. Ai pasohet nga kandidati i koalicionit “Bashkë Fitojmë”, Belind Këlliçi me 100.351 vota. Pas tij vjen Arlind Qori i Lëvizjes Bashkë me 13.835 vota dhe Roland Bejko i PD-së së Alibeajt me 12.388 vota. Dy të fundit renditen Marko Dajti i Frontit të Djathtë me 2.807 vota dhe Lajla Përnaska e PDIU-së me 2.104 vota.
Ndërkohë që në KZAZ 30 në Tiranë vijon numërimi i votave për subjektet politike që ndan dhe numrat në Këshillin Bashkiak.
Kreu i KZAZ 30 në një prononcim për “Neës 24” është shprehur se pjesëmarrja në zgjedhjet e 14 majit ishte 7% më e ulët se në zgjedhjet e kaluara në këtë KZAZ që përfshin 9 njësi administrative të Bërzhitës, Farkës dhe Dajtit.
“Pjesëmarrja ka qenë më e ulët. Me mbi 7 % më pak në KZAZ tonë. Veliaj kishte 19 mijë vota, ndërsa Këlliçi rreth 9 mijë vota, pra rreth 10 mijë vota diferencë. Të gjitha njësitë i ka fituar Veliaj. Situata ka qenë e qetë dhe nuk ka pasur asnjë konflikt. Deri tani në këtë KZAZ janë numëruar 50 nga 92 kuti.
Në avantazh është PS-ja. Me këto ritme, deri nga ora 15:00 e pasdites do të kemi rezultatin”, tha kreu i KZAZ
