Ditën e sotme, Operacioni Forca e Ligjit (OFL), i ka dërguar formularin e vetëdeklarimit të pasurisë, të arratisurit prej 23 vitesh nga drejtësia shqiptare, shtetasit Llazar Bicjes.
Mësohet se ky shtetas, është njëri prej vrasësve të gardistëve në vitin 1997.
Bicja ka qenë PS-së në Cërrik dhe ish-anëtari i bandës së Cërrikut gjatë vitit 1997, bandë e cila ekzekutoi 5 gardistë në muajin Maj në këtë qytet.
Prej më shumë se 23 vjetësh ai është në arrati dhe nuk e ka vuajtur asnjëherë dënimin.
Bicja rezulton i dënuar nga gjykata me 14 vite heqje lirie, si njëri nga personat që kishte organizuar vrasjen e 5 gardistëve Halit Haxhia, Bashkim Mnella, Besnik Sula, Sali Martini dhe Petrit Ndoi.
Ndërkohë që Bicja ndodhet prej kohësh në arrati, OFL nuk dështon as në gafën e radhës, duke i dërguar formularin e pasurisë.
Mbetet për t’u parë se si një person që është i arratisur, nuk arrestohet për të vuajtur dënimin për vrasjen e 5 personave, por i kërkohet të deklarojë pasurinë.
Bëjmë me dije se nuk është hera e parë që ndodhin të tilla gafash qesharake, pasi më parë edhe një personi që kishte ndërruar jetë i është kërkuar deklarimi i pasurisë.
Kujtojmë se OFL i dërgoi pak javë më parë formularin, Shkëlzen Dumanit, i cili rezulton i vrarë që në vitin 2014 në Siri./GazetaReforma.com/
