Skandali në Bankën e Shqipërisë duket se nuk e ka cenuar karrierën e ish-Guvernatorit Ardian Fullani.
Është bërë me dije se Fullani tashmë do të marrë një pjesë të Bankës Qendrore në Mal të zi, si një prej 11 anëtarëve të Bordit Këshillues. Mirëpo kjo duket se nuk e ka kënaqur sidomos shtypin malazez, i cili ka kaur menjëherë në mbrojtje të vendit, duke marrë në konsideratë akuzat për vjedhje në Bankën e Shqipërinë, me të cilat Fullani i përball disa vite më parë.
Me këtë motivacion mediat kanë pyetur edhe Guvernatorin e Malit të Zi, por ky i fundit ka preferuar mos të bëjë asnjë koment për rastin, por të vazhdojë i qetë punën.
E përditshme malazeze “Vejesti”, teksa publikon këtë lajm, evidenton edhe faktin që Fullani ka qenë i akuzuar në Shqipëri.
“Guvernatori i Bankës Qendrore të Malit të Zi Radoje Zhugiç ka vendosur si anëtar të Bordit Këshillues të Bankes, ish- guvernatorin e Bankës së Shqipërisë Arian Fullanin, i cili në shtetin e tij është shkarkuar dhe arrestuar sepse nga kasaforta e Bankës së Shqipërisë janë zhdukur 713 milionë lekë”, thuhet në artikull.
Fullani që prej shtatorit të vitit të kaluar është emëruar anëtar i Bordit Këshillues të Bankës Qendrore të Malit të Zi, ku deri më tani anëtarë numërohen 11 persona, ndër ta dhe ish- Guvernatori.
