Policia vazhdon ende të godasë persona që përpiqen të transportojnë drogë jashtë vendit. Këtë herë ka qenë FNSH-ja e Gjirokastrës që ka mundur të sekuestrojë dy çanta me lëndë narkotike të dyshuar si kanabis.
Sipas Ballkanweb shtetasit e arrestuar janë Armando Armaçi, 30 vjeç nga Kuçova, banues në Ksamil dhe Theodhori Lici nga fshati Grapsh, Dropull, 30 vjeç, të cilët janë arrestuar ë afërsi të vijës së gjelbër pranë Postës së vjetër të Mullirit pranë Kakavijës.
Burime nga policia bëjnë të ditur se dy 30- vjeçarët janë pikasur nga FSHN-ja rreth orës 17:00 dhe më vonë është ndërmarrë aksioni për kapjen e tyre.
Ndërkohë vijojnë hetimet për zbardhjen e plotë të këtij rasti, ndërsa nuk ka të dhëna për destinacionin dhe sasinë e drogës, e cila tashmë është e bllokuar.
