Ministri i Brendshëm francez, Gerald Darmanin, ka njoftuar se për festimet e Vitit të Ri, Franca do të ketë një numër të madh policësh dhe ushtarësh të dislokuar në të gjithë vendin për shkak të nivelit “shumë të lartë” të kërcënimit terrorist. Rreth 90,000 policë do të jenë të vendosur në të gjithë vendin, me 6,000 prej tyre në Paris. Gjithashtu, 5,000 ushtarë nga njësia ‘Sentinelle’, e specializuar për kërcënimet terroriste, do të jenë në gatishmëri.
Ministri Darmanin bëri thirrje për një pjesëmarrje të lartë të policisë dhe forcash të sigurisë për shkak të kërcënimeve të larta terroristike, të ndikuar nga zhvillimet në Izrael dhe Palestinë. Policia do të përdorë dronë për herë të parë si pjesë e masave të sigurisë. Mbi dhjetë mijë zjarrfikës dhe 5,000 ushtarë do të jenë në gatishmëri.
Festimet e Vitit të Ri në Paris do të përqendrohen në temën e Lojërave Olimpike të Parisit 2024, duke përfshirë pjesëmarrjen e shumë DJ-ve dhe projeksione video në Harkun e Triumfit. Zyrtarët evropianë të sigurisë kanë shprehur shqetësim për një rritje të rrezikut të sulmeve nga grupet islamiste të radikalizuara pas zhvillimeve në luftën midis Izraelit dhe Hamasit.
