Kështu ka treguar sot një video e siguruar nga cna.al, ku në ambientet e Bashkisë duken kamionçina që po marrin dokumente e kompjutera, duke ngritur menjëherë dyshimet për spastrim të materialeve kompromentuese.
Opozita ka ngritur alarmin se punonjësit e Bashkisë po zhdukin dokumente që lidhen me korrupsionin e drejtorëve të Veliajt, ndërsa Këlliçi denoncoi se drejtorët e tij po plotësojnë nga burgu dokumente që mbajnë data të viteve më parë për të ndërhyrë në protokoll.
Teksa të gjithë po bien një nga një, Lali Euro, kryebashkiaku më i korruptuar në historinë e Tiranës, ende bën manovra për t’i shpëtuar dënimit të SPAK, të cilit në fakt s’do t’i shpëtojë askush!
Për aferat janë arrestuar disa drejtorë të Veliajt, ndërsa të tjera masa sigurimi pritet të lëshohen nga prokurorët e posaçëm. Përmendim këtu edhe inceneratorët, dosjen “5D” për të cilën janë pas hekurave bashkëpunëtorët e ngushtë të Veliajt.
Po ashtu shembjen e Teatrit, ndërtimin te “5 Maji” dhe kullat në Tiranë. SPAK po kryen edhe një hetim pasuror për Lali Euron dhe familjarët e tij.
