Topi i Artë nuk do të jepet këtë vit. Ishte Robert Lewandowski më i miri në Europë në sezonin e fundit, që duhet ta merrte çmimin prestigjioz, por ceremonia u anulua.
France Football, e cila e organizon ceremoninë, kishte theksuar se ndërprerja për disa muaj e sezonit shkaku i koronavirusit e ka bërë të pamundur që për sezonin 2019-20 të jepet ky çmim, për shkak se nuk mund të gjykohen lojtarët në mënyrë “fair” dhe të pavarur. Kjo është hera e parë që çmimi Topi i Artë është anuluar.
“Nuk do të këtë Top të Artë më 2020, për shkak se doli, pas shumë mendimeve, që asnjë kusht nuk është plotësuar. Ne besojmë që në këtë vit nuk mundet – edhe për shkak se – nuk është i rregullt”, ka thënë kryeredaktori i France Futboll, Pascal Ferre.
Anulimi i këtij çmimi godet yllin e Bayernit, Robert Lewandowski, i cili qartë ishte më i miri për këtë çmim.
Polaku ka pasur një formë perfektë tek gjigantët gjerman sezonin e kaluar, duke shënuar mbi 50 gola dhe fituar çdo titull që i doli përpara kësaj skuadre.
