Policia greke ka mbetur e habitur nga barbaria e një krimi pasioni të dyfishtë, që ka ndodhur pak ditë më parë në një qytezë, dhe që për autor i dyshuar është një shqiptar.
Pamjet e publikuara nga mediat lokale greke nga vendi i krimit janë tronditëse. Shenjat e gjakut që kaluan nën derë, janë akoma atje dhe na kujtojnë momentet e tmerrit që dy viktimat kaluan në momentet e fundit të jetës së tyre.
Kërkimet e policisë greke për arrestimin e autorit të dyshuar të krimit në Loutraki vazhdon e pandërprerë, në një kohë kur komuniteti lokal mbetet i tronditur nga vrasja e dyfishtë.
45-vjeçari shqiptar masakroi farmacistin Ioannis Zonitsas dhe ukrainases 43-vjeçare, me të cilën burri kishte pasur një lidhje intime vitet e fundit.
Hetuesit e policisë po këqyrin me vëmendje shtëpinë ku ndodhi krimi i rëndë, në mënyrë që ata të mund të mbledhin informacione që do t’i ndihmojnë ata të hedhin dritë mbi çështjen ende të pazbardhur plotësisht.
Nga gjaku që kaloi nën derën e shtëpisë, burrat e autoriteteve kuptuan se diçka kishte ndodhur dhe thyen derën për të gjetur Fotininë dhe të dashurin e saj të ri të vdekur. Kërkimet për gruan nisën pasi u gjet makina e saj e djegur.
Hetuesit e policisë, gjithashtu mblodhën gjurmët e gishtërinjve nga tavolina ku u gjetën dy gota verë me shenjat e gishtave të viktimave.
Siç mund ta shihni, Fotini Svitlana dhe Ioannis Zonitsas hëngrën drekë para se autori t’i gjente të zhveshur në momente intime dhe t’i vriste. Gjithashtu, në vendin e ngjarjes u gjetën gjurmën e gishtërinjve të autorit të dyshuar.
/GazetaReforma.com/
