Një mjek ka shpëtuar për mrekulli ditën e sotme, pasi suvaja e tavanit në një godinë spitalore te QSUT-së në kryeqytet, u shkëput dhe ra mbi kokën e tij. Kjo godinë, sapo ishte inauguruar nga qeveria shqiptare. Gazetarja Lindita Çela ka publikuar fotot dhe detajet e kësaj ngjarje, ndërsa shprehet se qeveria nuk ka hetuar askënd deri më tani, për punën që bëjnë mjekët jashtë çdo standardi në godinat spitalore.
“Në sistemin tonë të shëndetësisë, në përshtatje të axhendës së qeverisë, kemi burgosur mjekë, infermierë e kemi shfryrë gjithë urrejtjen tonë, edhe ndaj pastruesve. Ama, qeveria apo strukturat e posaçme, kurrë nuk kane hetuar apo arrestuar askënd për punë, jashtë çdo standardi në godinat spitalore.
Ky mjek ishte me fat sot, pasi për pak minuta shpëtoi që mos t’i binte tavani mbi kokë. Edhe një gjë: Godina u inaugurua në dimër si një nga premtimet e radhës të mbajtura, për “shëndetësinë falas”, shkroi gazetarja.
Nuk është hera e parë që në godinat spitalore ka probleme të tilla, pasi dhe më herët ka pasur rënie të suvave, që kanë dëmtuar jo vetëm mjekë e infermierë, por dhe pacientë, të cilët i drejtohen dyerve të spitaleve për t’u shëruar, e gjejnë kushte të tilla ku dëmtohen edhe më tepër.
