E vendosur në rrugën “Rue De La Pompe”, në zonën me nr.16 të Parisit, kjo godinë ishte selia diplomatike e Shqipërisë në Francë, nga vitet 1945-1991, si dhe njëkohësisht dhe një nga qendrat e “Drejtorisë së Tretë” të Sigurimit të Shtetit (Zbulimit Politik).
Pas kaq kohësh publikohen për herë të parë fotot e ndërtesës së selisë së ambasadës së Shqipërisë në kryeqytetin e Francës, Paris, e cila do të shërbente si një nga rezidencat diplomatike më kryesore dhe më të rëndësishme të Tiranës zyrtare, në Europën Perëndimore.
E vendosur në zemër të kryeqytetit francez, në zonën me nr.16 të Parisit, kjo godinë në vitet 1945 – 1991 do të ishte njëkohësisht dhe një nga qendrat kryesore të spiunazhit shqiptar.
Aty “strehohej” Drejtorisë së Tretë të Sigurimit të Shtetit (Zbulimit Politik), e cila përveç shtetit ku ishte atashuar, do të mbulonte nga ana e rezidenturës edhe disa vende të tjera europiane, si: Britaninë e Madhe, Holandën, Belgjikën, Luksemburgun, Spanjën, Portugalinë, etj.
Një nga detyrat kryesore përgjatë 47 viteve të ekzistencës së saj, gjatë periudhës së ‘Luftës së Ftohtë’, do të ishte dhe survejimi e tentativa për t’u infiltruar në radhët e emigracionit politik anti-komunist shqiptar në Francë dhe Belgjikë.
Disa nga eksponentët më të njohur të kësaj drejtorie, që do të shërbenin të kamufluar si diplomatë në këtë ambasadë, ishin: Llambi Peçini, Hasan Luçi, Myslym Sinojmeri, Labo Abazi, Servet Backa, Thoma Bano, Idajet Hoxha, Naim Çipi, Eqerem Gaxholli, Haxhi Taga, etj.
/Burimi:Memorie.al/GazetaReforma.com/
