Zbulohet dhe shkatërrohet nga Policia greke një plantacion të madh me kanabis sativa i ngritur në kufirin greko-shqiptar midis territorit të Bashkisë Filat dhe atij të Bashkisë Konispol. Raportohet se gjatë operacionit policor u asgjesuan gjithsej 1252 fidanë kanabisi me lartësi nga 1.10 deri në 1.50 metra, ndërsa bimë kanabisi u gjetën edhe në vazo për transplantim në tokë, gjithsej 1199, nga të cilat 762 të thara.
Plantacioni kishte një rezervuar uji të improvizuar dhe sistem vaditjeje. Gjithashtu, në vendngjarje janë gjetur dhe konfiskuar pajisje të përkohshme banimi, si çadër, sende personale dhe mjete bujqësore. Hetimet paraprake po kryhen nga Prokuroria për Narkotikë në Nëndrejtorinë e Sigurisë Igumenicë, ndërkohë që vijojnë hetimet për identifikimin e personave të përfshirë në këtë rast.
