Edhe pak orë na ndajnë nga ndeshja e shumëpritur mes Shqipërisë dhe San Marinos e cila luhet në transfertë. Kjo ndeshje është e vlefshme për kualifikueset e Botërorit Katar 2022 dhe pas humbjes në shtëpi, përballê Anglisë kuqezinjtë kërkojnë fitoren me ngulm. Trajneri Edy Reja ka zgjedhur për portën Thomas Strakoshën, që rikthehet të luajë pas disa kohësh. Ndërsa në mbrojtje Ajeti ka marrë vendin e Ismajlit dhe luan krah Gjimshitit dhe Veselit. Hysaj e Lenjani aktivizohen nga krahët, kurse në mesfushë Bares i bashkohen Ramadani dhe Memushaj. Sulmi i është besuar Brojës dhe Manajt. Edhe pse tekniku italian Edi Reja shprehet se nuk bën eksperimente në fushë formacioni i sotëm tregon diçka tjetër që të shpresojmë do të ketê rezultat.
Për San Marinon është i pezulluar nga kartonët Klaus Gjasula, ndërsa Florian Kamberi u largua nga grumbullimi me pretekstin se është i dëmtuar. Gjithashtu, dje nga grumbullimi i kuqezinjve u largua edhe mesfushori, Nedim Bajarami, i cili nuk pati mundësi të debutonte në tri ndeshjet e para në Grupin I.
SHQIPËRIA: Strakosha, Gjimshiti, Ajeti, Veseli, Hysaj, Lenjani, Bare, Memushaj, Ramadani, Manaj, Broja.
San Marino, formacioni zyrtar:Benedettini, Battistini, Fabbri, Simoncini, Rossi, Palazzi, Tomassini, Golinucci, Mularoni, Nanni, Berardi. Trajner: Franco Varrella
