Fluks arrestimesh në Durrës, përdhunoi të miturën përfundon në pranga agresori

Fluks arrestimesh në Durrës, përdhunoi të miturën agresori në pranga
Policia e Durrësit ka bërë të mundur arrestimine e 3 shtetasve, ku njëri prej tyre ishte i shpallur më herët në kërkim për vjedhje. Sipas policisë, bëhet e ditur se shtetasi Artur Cani, ishte shpallur më herët në kërkim pasi akuzohet se ka vjedhur pajisje të ndryshme elektroshtëpiake në banesën e shtetasit I. K.
Gjithashtu në pranga ka rënë edhe një 28-vjeçar që dyshohet se ka përdhunuar një adoleshente. Specialistët për Hetimin e Krimit në Komisariatin e Policisë Shijak arrestuan për veprat penale “Kanosja”, “Dëmtime të tjera me dashje” dhe “Marrëdhënie seksuale ose homoseksuale me dhunë me të mitur të moshës 14-18 vjeç”, shtetasin F. H., 28 vjeç, banues në Shijak, pasi dyshohet se ka dhunuar dhe detyruar një shtetase të mitur 16 vjeçe, që të kryejë marrëdhënie seksuale, kundër dëshirës së saj.
Materialet kaluan në Prokurorinë e Rrethit Gjyqësor Durrës, për veprime të mëtejshme.
Njoftimi i plotë i Policisë
Kapet dhe vihet në pranga një shtetas i shpallur në kërkim për vjedhje, si dhe arrestohen në flagrancë 2 shtetas të tjerë, për vepra të ndryshme penale.
Të arrestuar janë, Artur Cani, 44 vjeç, banues në Durrës, pasi Gjykata e Shkallës së Parë Durrës e ka dënuar me 1 vit burg për veprën penale “Vjedhja”. Ky shtetas, më datë 23.06.2020, ka vjedhur në banesën e shtetasit I. K., pajisje të ndryshme pune dhe elektroshtëpiake, të cilat janë gjetur dhe sekuestruar në banesën e 44-vjeçarit.
Gjithashtu i arrestuar për veprat penale “Kanosja”, “Dëmtime të tjera me dashje” dhe “Marrëdhënie seksuale ose homoseksuale me dhunë me të mitur të moshës 14-18 vjeç”, ka mbetur shtetasi F. H., 28 vjeç, banues në Shijak, pasi dyshohet se ka dhunuar dhe detyruar një shtetase të mitur 16 vjeçe, që të kryejë marrëdhënie seksuale, kundër dëshirës së saj.
I arrestuar në flagrancë ka mbetur edhe shtetasi S. F., 49 vjeç, banues në Tiranë, pasi duke drejtuar në gjendje të dehur, mjetin tip “Hyundai” është përplasur me një mjet tip “Ford”, duke shkaktuar dëme materiale.
Materialet kaluan në Prokurorinë e Rrethit Gjyqësor Durrës, për veprime të mëtejshme.