Studentët kanë qenë arsyeja e largimit të ish-Ministres së Arsimit Lindita Nikolla. Kjo ka qenë deklaratë e vetë ish-ministres në studion e A Show, e cila ka thënë se studentët kanë qenë shkaktarët e shkarkimit të saj.
Nikolla thotë se nuk mund të qëndronte më, pasi “gota i plasi në dorë” dhe duhet të vinin energji të reja për të normalizuar sadopak situatën.
” Ishte një moment i fortë që le të themi gota plasi në dorën time dhe normal që unë duhet të largohesha, por arsyet e tjera për t’i dhënë një energji të re dhe një reflektimi të thellë, kryeministri ,por jo vetëm gjithë mazhoranca dhe qeverisja falë edhe protestës së studentëve ndodhi dhe u pa e arsyeshme që duhej një sinergji dhe një skuadër e re për të ecur përpara me programin e qeverisë”, ka thënë Nikolla e pyetur rreth çështjes në fjalë.
