Ditën e djeshme kryeministri Rama bëri me dije se pacienti i parë me COVID-19 në vendin tonë është drejt shërimit pasi ka rezultuar negativ në testin e Coronavirusit.
Kujtojmë se bëhet fjalë për babain e 28-vjeçarit, të konsideruar si pacienti “zero” me COVID-19 në vendin tonë, 54-vjeçari, Viktor Kola.
Së fundmi, ai ka dhënë një intervistë për emisionin ‘Open’, ku është shprehur se ai ia ka transmetuar virusin të birit dhe jo anasjelltas, siç është raportuar deri tani.
Ai tha se ka patur simptomat dy ditë para se djali t’i kthehej nga Italia dhe se të afërmit e të riut në Firenze me të cilët ai kishte kaluar ditë të tëra, kishin rezultuar negativ.
Më tej, 54-vjeçari ka qetësuar shqiptarët duke thënë se virusi mund të përballohet shumë lehtë dhe duhet ta marrë situatën me sportivitet dhe durim.
INTERVISTA E PLOTË:
Ju ka marrë në telefon Rama?
Pacienti 0 :Jo telefonin nuk e kam përdorur shumë. Unë nuk jam njeri i mediave por mora guximin të dalë të sqaroj opionin publik duke menduar të bëj një gjë të mirë. Dua të falenderoj gjithë stafin e spitalit dhe dua të përgënjështroj zotin Besnik Mustafaj që na ka stresuar për sjelljen tonë të keqe me mjekët këtu se nuk është e vërtetë. Sot nuk është koha të rregullojmë kushtet e spitalit apo të rregullojmë gjëra që s’i kanë bërë prej vitesh. Jam akoma në spital në pritje të tamponit për të dalë jashtë definitivisht.
Si ishte të jetonit me Coronavirusin? Si e kaluat këtë periudhë?
Pacienti 0 : E përjetova një provë që nuk ja uroj askujt kurrë në jetë. Ju them me bindje se përjetimi është shumë i frikshëm sesa… Më shumë është frikë dhe ankth që vjen nga lajmet dhe mediat, ndërsa sëmundjen e konsideroj si grip normal.
Sa herë në ditë iu jepnin ilaçe?
Pacienti 0 :Terapia ka qenë njëherë në 12 orë. Kemi marrë dhe ilaçe. Ushqimin na e kanë sjellë te krevati. Për mua mjekët janë heronj.
A takoheshit me të afërmit?
Pacienti 0 :Të afërmit nuk janë lejuar. Kam qënë në një dhomë me djalin. Gjendja shëndetësore është e mirë edhe e djalit. Çuni e ka përjetuar diçka më tepër sesa unë. Nuk e dimë kur do dalim. Në reanimacion nuk kemi qenë asnjë ditë, por në pavion. Sot është dita e 10.
Përshkruaji shqiptarëve pasojat e sëmundjes?
Pacienti 0 :S’ma ka sjellë çuni. Ai ka ardhur shëndoshë e mirë nga Italia. Ai ka ndenjur me njerëzit tanë në Itali dhe asnjë nuk është infektuar. Nuk ka ndaluar fare rrugës nga frika e virusit. Unë 2 ditë para se të vinte djali kam pasur simptomat. Dhe pastaj i kishte edhe djali. Ne u viziuam dhe u treguam të sinqertë me mjekët. Kur na doli testi pozitiv ka ardhur na mori ambulanca në shtëpi. As unë dhe as djali nuk vuanim nga sëmundje të tjera.
