Një zjarr i madh ka përfshirë një masiv pyjor në malin e Pashtrikut në Bashkinë e Hasit.
Mësohet se zjarri nisi në vendin e quajtur “Çezma e Gorozhupit”, në kufirin mes Shqipërisë dhe Kosovës.
Siç raporton “Faxweb”, flakët kanë përfshirë 5 hektarë pyje në pikën kufitare të Morinës.
Sipas të dhënave paraprake, flakët rrezikojnë dy transmetues televizivë dhe të telefonisë, ndërsa ndodhen vetëm dy km larg fshatrave Pogaj dhe Gorozhup.
Shërbimet pyjore dhe zjarrfikësit nga Hasi janë nisur drejt vendit të ngjarjes, por për shkak të terrenit e kanë të vështirë të futen në zonë.
Ndërkohë pak më parë gjatë ditës së sotme, një vatër zjarri shpërtheu në Delvinë, pranë puseve të naftës.
