Ditën e sotme situata ka qenë e tensionuar në disa nga qytetet më të mëdha të Shqipërisë.
Kjo situatë është përshkallëzuar sidomos në qytetin e Kukësit, Burrelit e Vlorës, ku të lënduar kanë mbetur edhe disa persona. Qytetarët mbështetës të opozitës kanë bërë thirrje për lirimin e KZAZ-ve duke u bazuar në dekretin e presidentit Ilir Meta, i cili anuloi datën e zgjedhjeve. Këto përplasje të dhunshme, vetë kryeministri Edi Rama i ka cilësuar si vetëvrasje të opozitës.
Fillimisht përplasjet nisën në Triopojë, ku shumë qytetarë hoqën materialet zgjedhore në KZAZ nr. 9 e më pas përplasjet kanë vazhduar edhe në qytetin e Shkodrës. ku shkollës Shejnaze Juka”, u tentua t’i vihej flaka dhe njëkohësisht u thyen disa xhama.
Protestuesit kanë kërkuar të shkatërrojnë materialet zgjedhore. Edhe ish-deputeti i Partisë Demokratike Bardh Spahia, është shpallur në kërkim nga Policia e Shkodrës.
Përplasje të forta pati edhe në Kamëz, ku policia përdori gaz lotjesllës për të shpërndarë turmën e personave që kërkonin të hynin në KZAZ. Nga përdorimi i gazit lotsjellës, njëri prej policëve ka rënë pa ndjenja.
Më pas tensionet kanë vazhduar në Burrel, ku po ashtu pati disa të lënduar. Policia edhe këtu përdori gaz lotsjellës për të shpërndarë turmën.
Përplasje të ashpra pati edhe në Kukës, ku dera e KZAZ është tërhequr me kavo e është sulmuar me kamionçinë.
Pogradeci, është qytetit i radhës ku shënohen përplasje mes policisë dhe mbështetësve të PD.
Përplasja ka ndodhur në qendrën e votimit nr 70 në Bilisht. Pogradeci është bashkia e radhës e drejtuar nga PD ku janë shënuar incidente.
Në Klos janë djegur materialet zgjedhore. Pas situatës së tensionuar, mbështetës të opozitës kanë arritur të nxjerrin jashtë KZAZ 17 materialet zgjedhore, duke i vënë më pas flakën.
Pëprlasje po ashtu ka patur edhe në Berat e Skrapar.
