Shqipëria ka fituar në sfidën e sotme ndaj Hungarisë me rezultatin 1-0. Goli për kuqezinjtë u shënua në minutat e fundit të takimit, nga sulmuesi Armando Broja.
Shkodrani, depërtoi mjaft mirë në zonë dhe me një goditje potente arriti të mposhte portierin kundërshtar, duke mbajtur të gjalla shpresat për një kualifikim për në kampionatin Botëror 2022.
Për këtë fitore, ka reaguar dhe Presidenti Ilir Meta. Kreu i Shtetit, ka bërë një reagim në rrjetin e tij social në Facebook ku teksa ka publikuar disa foto të sfidës, shkruan më tej se kjo ishte një fitore e merituar e që rikthen ëndrrën e madhe.
“Një fitore e shumëpritur, që rikthen ëndrrën e madhe! Urime kuqezinjve!”, shkruan Meta.
Fitorja në këtë ndeshje ishte një kërkesë e vazhduar e tifozeve shqiptarë të cilët prej kaq shumë kohësh uleshin në stolat e stadiumit “Elbasan Arena” për të ndjerë dhe ndjekur live përfaqësuesen shqiptare të cilën e duan kaq shumë. Hungaria ishte një test jetik për përfaqësuesen kuqezi, ishte një ndeshje që duhej fituar me çdo kusht për të mbajtur të ndezur kualifikueset e botërorit “Katar2022”. Humbja në ndeshjen e kaluar nuk u prit mjaft mirë si për trajnerin e skuadrës ashtu edhe për mbështetësit e tij të cilët prisnin të kishin një fitore.
