Finalja e Superkupës së Spanjës la disa imazhe për kujtesën dhe njëra prej tyre është padyshim ‘koncerti’ i Asier Villalibre pas fitores së ekipit të tij. Sulmuesi ishte një nga protagonistët e mëdhenj të takimit që u luajt përballë Barcelonës, pasi shënoi barazimin e dytë në minutën e 90, kur FC Barcelona tashmë festonte triumfin. Por sulmuesi jo vetëm që barazoi finalen në minutuat e fundit, por fitorja kishte të bënte dhe me dëbimin e Leo Messi, yllit të ekipit të Barcelonës.
Ndërkohë Inaki Williams realizoi një eurogol në shtesa dhe i dhuroi klubit të tij trofeun e Superkupës për herë të tretë në histori. Kjo solli një festë të madhe tek ekipi i Marcelinos, por vëmendjen në skenë e mori Asier Villalibre, autori i golit të dytë të Bilbaos, realizim që evitoi humbjen dhe dërgoi ndeshjen në shtesa. Sulmuesi nisi të luante me trombë, duke krijuar atmosferë të bukur dhe ilaritet te shokët e skuadrës.
Një sukses i merituar dhe festë e ligjshme në klubin 123-vjeçar. Përveçse një nga klubet më të veçanta në botë prej faktit që pranon vetëm lojtarë baskë në ekip, Athletic Bilbao është edhe një nga ekipet më fituese në Spanjë, me 8 tituj kampionë dhe 23 Kupa Mbreti.
Athletic Club altså🙌🏻 pic.twitter.com/Xl5aOTSw0k
— Håvard Lejon Skjold (@HaavardSkjold) January 17, 2021
