Kukësi do të jetë edhe për 4 vitet e ardhshme në drejtimin e Safet Gjicit, përfaqësuesit të Partisë Socialiste.
Ndërkohë që kryebashkiaku i Kukësit Safet Gjici në një dalje nga selia e Partisë Socialiste, pas daljes së rezultatit, zgjodhi të falenderojë emigrantët për mbështetjen. Ai u shpreh se duhet edhe mbështetja e emigrantëve, e sidomos atyre që jetojnë në Londër, për të vazhduar zhvillimin e Kukësit.
“Falenderoj emigrantët në Londër, Birmingani dhe gjithë Europa që erdhën dhe na mbështetën me votë e pikërisht për ta vazhduar zhvillimin e Kukësit kemi edhe mbështetjen e emigrantëve që janë jashtë Kukësit. Faleminderit për të gjithë atë mbështetje që na bënë për mandatin e dytë. Rrofshin kuksianët kudo që janë”, u shpreh në fjalën e tij Gjici.
Kandidati i Partisë Socialiste, pas përfundimit të numërimit të votave, ka marrë 10 472 (49.78%), ai i “Bashkë Fitojmë”, ndërsa Admir Sinamati 8 546 vota (40.88%). Pas shpalljes së rezultatit final që rikonfirmonte në detyre Safet Gjicin, mbështetës të shumë PS në Kukës janë mbledhur në sheshin e qytetit për të festuar fitoren me këngë, valle dhe daulle.
Kujtojmë që Tropojën e fitoi Rexhe Byberi nga PS-ja me 51.25% të votave, ndërsa kundërshtari i tij Besnik Dushaj, BF, 48.75%
Në Has fitoi Miftar Dauti i BF-së me 55.89%, ndërsa Beqir Mulaj i PS-së mori 44.11% të votave.
