Është firmosur sot marrëveshja e njohjes së patentave shqiptare në Itali. Ky lajm është bërë i ditur nga kryeministri Edi Rama, i cili ka publikuar fotot nga përmbyllja përfundimtare e vendimit të marrë mes dy palëve.
Kryeministri Edi Rama ka njoftuar përmes një postimi në Facebook se është mbyllur tashmë procedura e cila bën që patentat e shqiptarëve që qarkullojnë me makinë në shtetin italian do të njihen nga autoritetet atje.
STATUSI NGA EDI RAMA
Ja edhe siglimi përfundimtar që mbyll krejt procedurën e gjatë për lejet e drejtimit në Itali, për merakun a të gjithëve ju që qarkulloni me makinë matanë detit, e herë tjetër mos e harroni, unë them atë që bëj dhe bëj atë që them
Përqafime
Nga ana tjetër edhe Olta Xhaçka ka shkruar për marrëveshjen si ministre e jashtme firmëtare, duke theksuar se kjo marrëveshje është reciproke dhe se tani për çështje javësh zbatohet.
STATUSI NGA OLTA XHAÇKA
Me ambasadorin italian në Tiranë, Fabricio Buçi firmosëm sot, në emër të dy qeverive tona 🇦🇱🇮🇹, marrëveshjen e shumëpritur për njohjen reciproke të lejeve të drejtimit të automjetit, me qëllim konvertimi. ✅
Janë pikërisht veprime konkrete si ky, edhe pse në dukje të vogla në skemën e madhe të diplomacisë, që kanë impaktin më konkret e të drejtpërdrejtë tek qytetarët.🤝
Tani është cështje javësh që marrëveshja, pas miratimit në strukturat ligjore përkatëse në Itali e Shqipëri, të nisë të zbatohet në të dy vendet.
