Standardet që aplikon SPAK në lidhje me politikanët, janë komentuar kohët e fundit nga Ylli Manjani. Ish-ministri i Drejtësisë përmendi rastin e inceneratorëve, ku ka hedhur firmë Erion Veliaj. Pavarsisht firmës së krye bashkiakut, sipas Mananit, Veliaj nuk është marrë asnjë ditë si i pandehur.
Sipas Mananit nëse do të kishte drejtësi, Veliaj do kishte të njëjtin fat si kolegu i tij në Bashkinë e Lushnjës, Fatos Tushe, i cili mbahet prej disa muajsh në burg, për një tender me më pak shifra se dosja e incineratorëve. Ylli Manjani ka reaguar në lidhje me dy standardet që aplikon SPAK në lidhje me politikanët, disa prej të cilëve janë bërë ‘kurban’ në emër të Reformës në Drejtësi.
Postimi i Manjanit:
Nuk e di saktësisht çka bërë kryetari i Bashkisë Lushnje që është vënë nën arrest, por kjo letra që ka firmosë Erion Veliaj në emër të të gjithë qarkut Tiranë është flagrante!
Fatale fare!
Në superarrest duhet të ishte për më shumë arsye dhe llogjikë që çuan në arrestin e atij të Lushnjes.
Unë nuk nxis e as mbështes arrestime të pakuptimta, ca më keq të nxitura nga deklaratat politike, por paktën për barazi para ligjit Veliaj duhet të ishte në burg.
E lemë mënjanë faktin fatal që dëmi që sjell letra e Erionit është ku e ku më i madh sesa një tender kanali që paska bërë keq bashkia (jo detyrimisht kryetari) e Lushnjes…
