Kompania Koncesionare “Tirana International Airport”, ka fituar 84 milion euro më shumë nga skenari bazë i firmosur në kontratën kocesionare të vitit 2004.
Kjo i jep të drejtë qeverisë shqiptare, që të kërkojë kompensim 100% të parave.
Auditimi është kryer nga nga ekspert i pavarur “BDO”
Ky i fundit i ka kërkuar qeverisë shqiptare, që të kërkojë përgjysmimin e të gjitha tarifave aeroportuale.
Në raportin e siguruar nga “TCH”, “BDO”, ka përpiluar disa skenarë nëpërmjet të cilëve mund të merret kompensimi.
Mënyra më e mirë është kombiminimi i të dy skenarëve, ulja me 50% e të gjitha tarifave dhe detyrimi i koncesionarit për të kryer 36 milion euro investime deri në vitin 2027 kur përfundon kontrata
Për pasagjerët kjo do të thotë, se nuk kanë përse të paguajnë më 40 euro tarifa aeroportuale.
Audituesi ka sugjeruar përgjysmimin e tarifës, e cila do të reflektohej në çmimet e biletave, por edhe në afrimin e kompanive “low cost”.
Auditimi i kontratës koncesionare të Rinasit ka filluar në verën e 2018-ës, pas urdhërit të përbashkët të ministrave të Infrastrukturës dhe Financave, respektivisht Damian Gjiknuri dhe Arben Ahmetaj.
Edhe pse “BDO” e përfundoi auditimin janarin e kaluar, kjo çështje është lënë në heshtje dhe qytetarët vazhdojnë të paguajnë në mënyrë të padrejtë 20 euro më shumë, për çdo fluturim nga Rinasi.
