Para disa javësh, këngëtari i njohur Ermal Fejzullahu dhe bashkëshortja e tij Ariana u përfol se do të bëheshin prindër për herë të katërt.
Por asokohe të dy i mohuan publikisht zërat, duke pohuar se janë thjesht thashetheme.
Mirëpo, si thotë ajo shprehja popullore: “Ku ka zë, s’është pa gjë!”
Pikërisht! Edhe në rastin konkret aludimet kanë qenë më se të vërteta dhe së fundmi përgjatë një interviste në emisionin “1 kafe prej shpisë”, këngëtari ka konfirmuar publikisht se Ariana është shtatzënë dhe se janë në pritje të fëmijës së katërt.
“Po, e vërtetë është! Të jetë mirë ajo ka rëndësi. Vajza e vogël Era është pak xheloze sepse është 5-vjeçare”, ka pohuar Ermali.
Rikujtojmë se çifti ka 3 fëmijë, dy vajza që quhen Buna dhe Era, dhe një djalë që quhet Art.
Ndërsa i pyetur për gjininë e foshnjës që pritet të vijë në jetë, Fejzullahu është përgjigjur se ende nuk e kanë zbuluar.
