Sot në Fier, një makinë policie është përplasur me një mjet tip “Volkswagen” në vendin e quajtur “Kthesa e Kashishtit” dhe kanë mbetur të plagosur 4 persona një ndër të cilët është punonjës policie.
Burime për “balkanweb” bëjnë me dije se polici ishte në makinë me djalin e vet kur ndodhi aksidenti.
Mësohet se efektivi quhet Adem Demollari ndërsa tre personat e tjerë janë Agim Zeqo, Valbona Zeqo dhe Bexhete Bushi.
Gjithashtu nga njoftimi i policisë për ngjarjen, thuhet se shtetasit e dëmtuar ndodhen në Spitalin Rajonal Fier nën kujdesin e mjekëve dhe grupi hetimor po punon sepse akoma nuk është zbardhur plotësisht ngjarja.
“Në datën 20.12.2018, rreth orës 14:50, në rrugën Levan-Tepelenë në vendin e quajtur ‘Kthesa e Kashishtit’, mjeti me targë policie me drejtues shtetasin A.D, 49 vjeç, është përplasur me automjetin tip “Volkswagen” me drejtues shtetasin A.Z, 51 vjeç.
Si pasojë e përplasjes janë dëmtuar dy drejtuesit e mjeteve dhe pasagjeri në mjetin e policisë, shtetasi V.Z, 26 vjeç si edhe 2 pasagjeret në mjetin tip ‘Volkswagen’, shtetaset V.Z, 44 vjeçe dhe B.B, 60 vjeçe.
Shtetasit e dëmtuar ndodhen në Spitalin Rajonal Fier nën kujdesin e mjekëve.
Grupi hetimor po punon për zbardhjen e plotë të ngjarjes”, – njofton policia.
