Divorci është një fenomen që vitet e fundit në Shqipëri ka pësuar rritje.
Por edhe pse duket surprizues si fakt, muajt e vitit mund të ndikojnë në përkeqësimin e marrëdhënies mes çifteve, ku statistikat tregojnë se në sezonin e festave gjendja përkeqësohet shumë.
Ndoshta nuk e keni menduar, por sezoni i festave mund të ndikojë në të menduarit tuaj, duke ju shtyrë të rivlerësoni marrëdhënien tuaj me bashkëshortin, por edhe t’i shtyni ato vendime për më vonë.
Në bazë të analizave, ekspertët zbuluan se numri më i madh i divorceve ndodh gjatë muajit janar.
Kjo ndodh kryesisht për shkak të mbingarkesës së emocioneve, që vjen një moment që krijojnë kriza në komunikim dhe si pasojë edhe në ndarje mes çifteve.
“Pushimet janë një periudhë kur emocionet ngrihen në një nivel më të lartë, ndaj nëse jeni të pakënaqur në martesë ose jeni të zemëruar me partnerin tuaj, kjo periudhë mund të jetë një pikë kthese,” thotë avokati i divorcit Jaime Groza.
Nga ana tjetër, shumë njerëz në dhjetor magjepsen nga dekorimet, dritat, bien nën ndikimin e muzikës së mrekullueshme, magjike të festave, aq sa besojnë se gjithçka mund të kthehet dhe të shkojë për mirë. Fatkeqësisht, sapo kalojnë pushimet, kuptojnë që magjia përfundoi.
