Kur duket se mbërritja e COVID-19 ka ndryshuar rrjedhën normale të jetës, jo vetëm të shqiptarëve por të gjithë botës, ka qenë vetë kryeministri Rama ai që ‘ka ndryshuar pak atmosferën’ pesimiste.
Me anë të një statusi në Facebook, kryeministri Edi Rama njofton se është firmosur vendimi për financimin e parë të programit të rindërtimit për arsimin.
Kreu i qeverisë thekson se do të rindërtohen 59 shkolla të reja, godinat e reja të të gjithë konvikteve të Univeristetit Bujqësor dhe 4 godina të reja konviktesh në Qytetin Studenti.
Mesazhi i Ramës:
#TiNukDoJeshKurrëVetëm
Sapo u firmos Vendimi i Këshillit të Ministrave, për financimin e parë të Programit të Rindërtimit për Arsimin59 SHKOLLA TË REJA
GODINAT E REJA TË TË GJITHË KONVIKTEVE TË UNIVERSITETIT BUJQËSOR
4 GODINA TË REJA KONVIKTESH NË QYTETIN STUDENTI
#FuckingCorona nuk do t’i ndalë as do t’i zvogëlojë planet ambicioze të jetësimit të Programit të Rindërtimit të Shtëpive, Shkollave, Spitaleve e Qendrave Shëndetësore që u rrënuan nga tërmeti i 26 nëntorit.
https://www.facebook.com/edirama.al/posts/10157518862551523
Më herët pasditen e sotme Policia e Shtetit ka bërë me dije se ka hyrë në fuqi ‘shtetrrethimi’ duke mos lejuar qarkullimi i mjeteve, teksa si Policia e Shtetit, ashtu edhe Policia Ushtarake do jenë në patrullim.
Hyn në fuqi ‘SHTETRRETHIMI’, Policia e Shtetit publikon 7 masat e rrepta
Autoritetet shëndetësore bëjnë thirrje që personat të cilët mund të kenë qenë të ekspozuar ndaj individëve të dyshuar për COVID-19, duhet që të vetëkarantinohen dhe të monitorojnë shëndetin e tyre për 14 ditë, që nga dita e fundit me kontaktin e mundshëm.
Po ashtu, ata duhet të kërkojnë mbikëqyrje të menjëhershme mjekësore, nëse paraqesin ndonjë nga simptomat, veçanërisht temperaturë, simptoma respiratore si kollë dhe vështirësi në frymëmarrje apo diarre menjëherë të kontaktojnë 127.
Të gjithë qytetarët rekomandohet që të shmangin daljet në publik dhe të qëndrojnë në shtëpi duke respektuar rregullat e higjenës.
