Ish-kryebashkiaku i Lushnjes, Fatos Tushe i cili është arrestuar për shpërdorim detyre dhe abuzim me tenderat, i është drejtuar me një shkresë Apelit, për të kërkuar lirinë. Në shkresën e tij Tushe pretendon se vuan nga disa sëmundje dhe e ka të pamundur të qëndroj në qeli. Avokati i cili ka paraqitur pretendimin e Tushes thotë se, ai vuan prej vitesh nga sëmundje kardiake, diabet, gur në tëmth me kriza të vazhdueshme, alergji ndaj disa ushqimeve si dhe problemet me mushkërinë.
“Z. Tushe vuan prej vitesh nga sëmundje kardiake, diabet, gur në tëmth me kriza të vazhdueshme akute, nga mushkëria si dhe është alergjik/intolerant ndaj disa ushqimeve. Problemet shëndetësore të tij provohen nga të dhënat e pasqyruara në dokumentet e poshtëshënuara”, thuhet në shkresë zyrtare që i është dërguar apelit.
Gjithashtu ai ka deklaruar se nuk është i rrezikshëm, dhe se është i gatshëm që të ofroj garanci pasurore që të lirohet.
Kujtojmë se Fatos Tushe është arrestuar me urdhër të Prokurorisë së Posaçme (SPAK) bashkë me 10 persona të tjerë vartës të tij dhe biznesmenë. Pak ditë më parë Tushe u drejtua në Apel me një tjetër kërkesë për masë më të butë sigurie, pasi pretendon se për të nuk ka prova që e implikojnë atë në abuzimin me tenderin për 240 milion lekësh, për rehabilitimin e kanalit vaditë
