Një fasoneri në Krujë është kthyer në vatrën kryesore të koronavirusit për këtë të fundit dhe Laçin, teksa deri më tani në këto dy qytete numërohen 42 raste me koronavirus, ku 19 janë në Laç dhe 23 në Krujë.
Instituti i Shëndetit Publik njoftoi sot 12 raste të reja me koronavirus në Laç dhe 5 në Krujë, ku pjesa dërrmuese e të prekurve janë pikërisht gra që kanë punuar në këtë fasoneri që ka qëndruar e hapur deri para pak ditësh.
Së fundmi, gjashtë punonjës të tjerë në Krujë kanë rezultuar pozitivë me koronavirus, mes tyre një burrë dhe pesë gra, raporton Abc News.
Qyteti i Krujës është kthyer në një nga vatrat më të rrezikshme të koronavirusit, ku shifrat në bizneset fasone po rriten çdo ditë.
Kështu, shkon në 29 numri i të prekurve me koronavirus në Krujë, ndërkohë që po nga po e njëjta fasoneri janë prekur edhe punonjës nga Laçi dhe Kurbin e për pasojë edhe familjarë të tyre.
Në total në vendin tonë janë 584 të infektuar, pasi ditën e sotme u regjistruan 22 raste të reja.
