Zef Preci, ekspert i ekonomisë e drejton gishtin nga Autoriteti i Konkurrencës dhe organet e tjera përgjegjëse si AKBN, për evazionin dhe monopolet në sektorin e natës.
“Janë të gjitha indiciet që shfrytëzimi i pasurive natyrore shoqërohet me një shkallë të lartë evazioni e cila pasqyron mosfunksionomin si duhet të të gjitha agjencive shtetërore përgjegjëse për mbikëqyrjen në këtë fushë. Kemi mosfunksionim të shtetit dhe funksionim të keq të tij për llogari të oligarkëve. Rregullimi i konkurrencës në këtë fushë le për të dëshiruar”, deklaron Preçi.
Sipas tij, Shqipëria prej kohësh rezulton se ka çmimet më të larta të karburanteve në rajon dhe kjo sipas tij vjen për shkak të taksave që aplikohen.
“Shteti nuk ka investuar në sektorin e naftës dhe nuk ka investim në teknologji. Ne jemi në një situatë paradoksale ku të gjithë sasinë e naftës që konsumojmë po të njëjtën sasi ne e importojnë, ndërkohë që prodhimi vendas është i barabartë me importin. Ka munguar politika mbështetëse për ta zhvilluar këtë sektor. Nga ana tjetër sistemi i imponuar gjatë kësaj periudhe herë për të mbushur arkën e shtetit dhe herë për faktin që është një mall që nuk shmanget dot askush ka bërë që të rëndohet me taksa.”
Por Preçi thotë se rritja e faturës së karburantit vjen edhe nga dhënia me koncesion e disa shërbimeve të këtij sektori tek privati.
“Koncesionet kanë një të përbashkët në Shqipëri, 99% e janë oferta të pakërkuara do të thotë një lob i caktuar biznesi shef një shërbim të caktuar shtetëror që ka përfitim shef që ka riskun zero dhe blen vendimmarrjen tek ekzekutivi dhe parlamenti dhe e blindon këtë vendimmarrje dhe e gjithë shoqëria shqiptare mbetet peng e një grushti njerëzish të cilët kanë lidhjet e nevojshme politike dhe punojnë për to do të thotë që taksat është përcaktuar se ne xhepat e kujt do të shkojnë.”
Eksperti i ekonomisë Zef Preçi i bën apel qeverisë që të shtoj kontrollin tek sektori i hidrokarbureve në një kohë që abuzimet në këtë sektor janë të mëdha kjo bazuar edhe tek raportet e Kontrollit të Lartë të shtetit.
/Gazeta Reforma/
