Ndërsa numri i rasteve të koronavirusit të Wuhanit vazhdon të rritet, bashkë me të rritet edhe frika për një zgjerim të epidemisë.
Deri më tani numërohen më shumë se 170 të vdekur dhe mbi 8000 të prekur.
Ndërkohë kontinenti Europian është nën alarm dhe masa ta shtuara sigurie.
Finlanda është bërë vendi i tretë pas Francës dhe Gjermanisë që ka regjistruar një person të prekur nga koronavirusi.
Ajo është një 32-vjeçare e cila 5 ditë më parë ishte larguar nga Wuhan i Kinës për në Filandë.
Autoritetet finlandeze dyshojnë dhe për 15 të tjerë. Personat që mendohet se janë infektuar do të ekzaminohen.
Ndërkohë Turqia ka dërguar një avion në Kinë për të evakuuar shtetasit e saj, mes tyre edhe një shqiptar.
Bëhet fjalë për 34 shtetas turq, një shqiptar, si dhe shtetas gjeorgjian dhe azerbajxhanas.
Në Italinë fqinje, gjashtë mijë persona, pasagjerë e personel lundrimi janë ende të bllokuar në portin e Civitavechias në afërsi të Romës.
Në bordin e tyre një grua 54 vjeçe kineze ka shfaqur temeperaturë të lartë e shenja gripi e së bashku me bashkëshortin e saj gjendet e izoluar në infermierinë e anijes.
