Përgjatë seancës së sotme ish-kryeministri Sali Berisha dhe Enkelejd Alibeaj kanë pasur një moment të sikletshëm në foltore. Pas fjalës së kryeministrit Edi Rama si kreu i grupit parlamentar Enkelejd Alibeaj ashtu dhe ish-kryeministri Sali Berisha kanë dashur të replikojnë me të.
I pari ka mbërritur Alibeaj në foltore, pak sekonda pas tij Berisha. Ky i fundit nuk ka dashur ta lërë Alibeajn të flasë dhe e ka shtyrë madje për të folur vetë. Alibeaj është larguar, por kryetarja e Kuvendit Lindita Nikolla nuk i ka dhënë fjalën as Berishës.
Më poshtë është video që tregon momentin, kur Berisha bën të “fortin” duke shtyrë Alibeajn nga foltorja:
Ndërkohë është ndërprerë seanca plenare për 5 minuta pas incidentit që ndodhi mes Sali Berishës dhe Enkelejd Alibeajt.
Kreu i grupit socialist Taulant Balla u shpreh se ajo që ndodhi sot në Kuvend është një turp i madh duke kërkuar 5 minuta pushim deri në sqarimin e situatës.
Balla: Ajo që ndodhi këtu në sytë e publikut është një turp i madh.
Më fal kjo ka ndodhur dikur kur ky zotëri ishte kryeministër dhe një përfaqësues i PS po filste dhe me harbutërinë që kishte bëri atë gjest, por zonja kryetare kur në këtë sallë një deputeti i jepet fjala, ta marrë.
Kërkoj 5 minuta pushim sepse në emër të rregullores. U tërhoq vetë ai për ti dhënë fjalën Mediut.
